كتب : ا . محمد احمد
غريب الحب و فكرته
كدابه رؤيته
لو سقاك في هواه مرار بتبلعوا
لو بيبخ سم هتتجرعوا
تشوف سواد حبيبك سما
و عينيه نجمتين فيها بيلمعوا
و العقل يصرخ البحر مالح و الموج عالي لفوا و ارجعوا
و القلب والجسد في هواها مكملين و للعقل ما بيسمعوا
و عن اذيته تبقى ساكت تخاف تعاتبه لتتفارقوا وتودعوا
و في لحظه تتعب من كتر ما حبيت و بنيت و شقيت و ضحيت وعلي نفسك جيت و عينين قلبك يدمعوا
ما تلومش للحظه عليها
هي كانت صوره وقعد قلبك يعمل zoom و يكبر فيها
و اخر تكبير الصوره لونها يصبح بهتان
والعقل في اختيار القلب الغلط شمتان
ما هو قالهالك لا شبهك ولا توبك ودي معروفه من زمان
وانت زي الاهطل مفكر هتزرع احسان تلاقي احسان
و انك لو حبيت بال اوي هتتقدر و تتحب كمان
ده عشان انت بس كنت بهواها مريض عيان
وقلبها من اهتمامك بيها وخوفك عليها بقى شبعان حب و طيبه وحنيه و امان
و زياده أكل الشبعان مسيره الغثيان
و ادي نهاية المشوار
كل جسدك بقى منها ومن قربها مقفول و انطفي نور الحب اللي كان قايد نار
من بعد ما قلبها علي قلبك جار
لا بقيت رايدها صاحبه ولا حبيبه ولا قريبه ولا حتي سابع جار
قلبك اللي غلطان عشان راح يحب عيال
قلبك كان بيها يدعي مولاه
وهي مريضه بالسذاجه و اللامبالاه
أحمد الله اللي مَٰن علي قلبك ومن سِمها نجاه
