بقلم: د.أسماء أحمد خيري
تعرفوا ان الاكل بيحصله ادمان زي المخدرات او التدخين بالضبط.🙄
ادمان الاكل مشكله كبيره بتقابل ناس كثير وفي ناس اصلا بتفكر إنه ضعف إرادة منهم 🤚ولكن الموضوع فعلا ادمان
ليه؟؟؟ لان الاكل بيشتغل على مراكز المكافاه في الدماغ وبعض انواع الطعام 😉 بتسبب افراز السيروتونين والدوبامين ودي الهرمونات بتعمل حالة حلوه من السعادة المؤقتة زي المخدرات بالضبط. ❌
وكل ما نوصل لمرحله معينه من افراز المواد دي نحتاج جرعات اكبر فبالتالي ناكل كميات أكبر عشان
يفرز المواد اكتر 🤔
زي إيه الاكل إللي بيسبب ادمان؟
⬅️الاكلات الغنية بالدهون والسكر زي
🥙زي البيتزا والوجبات السريعه والشيكولاتة وغيرها🍫🍩🍕
🤚في ٤ اعراض لادمان الاكل:🤚
✅️اولا
الرغبه الشديده في تناول الاكلات اللي بتساعد على الشعور بالسعاده؟
✅️ثانيا
لما بتحاول تمتنع عن اكلها بترجع تاكلها بكميات مضاعفه اكثر بكثير من الاول.🤚
✅️ثالثا
مش بتوقف اكل رغم انك وصلت لمرحله الشبع🙍
✅️ورابعا
بيحصل شعور بالذنب بعد انتهاء الاكل😐. فتبدأ تحط لنفسك المبررات انت ليه اكلت كل ده؟ زي انك مضغوط ولازم تدلع نفسك ومتحرمهاش 🙄
مين عنده ادمان للطعام وايه آكتر حاجه بتسبب لكم شعور السعادة ؟
