بقلم:د.بسمة أبو الفتوح
احنا جيل حياتنا كانت كلها متعه حياه راقيه ومبهجه جيل مفيش فيه تعقيدات وده ينفع وده ماينفعش جيل كله اصدقاء وخروجات وعزومات وثقافة مجتمع احترم الكبير واعطف علي الصغير حياة الشباب المنفتح للحياه اللي بيشتغل ويفكر بعقله ويتعب بجسده مش الكترونيا حياه تستحق كل تقدير ومازالت قلوبنا تنبض بنفس الروح ولا نشعر ان مر سنيين من عمرنا
لما كانت الدنيا اجمل وأقل تعقيداً…
إحنا جيل الاعداد الورقية
والتليفون أبو سلك
ومجلة الشباب والجرائد اليومية
إحنا جيل #رواياتمصريةللجيب
والقراءة الجميع
احنا جيل الشرايط والكاسيت وكلنا نتجمع مع بعض نسمع ونشارك بعض
احنا جيل الدفاتر والتجليد وكل فصل بلون مختلف وكتاب سلاح التلميذ
جيل قوم شايش الشيش علشان نسمة الهوا تدخل مع دخول ضوء الشمس الخافت
احنا جيل لمة كل خميس عند جدتنا والضحك والسهر
طفولتنا كلها زكاء من مشاركه وطبيعيه من لعب ورسم وقراية قصص وحفظ قران والعاب مع اولاد الجيران ولعبة حيوان جماد انسان
احنا جيل نحب المشي الطويل والقعده علي الكورنيش مش الموبايل
جيل الرومانسيه والشباب نسمع عبد الحليم ونسمع عمر دياب
احنا جيل الفيديو وسهرته الحلوه مع الاهل او الاصدقاء
جيل مكتبة الجامعة وحلقات الادب والفن والمجلات والجرايد والكلمات المتقاطعه
ومفيش اجمل من شهر رمضان في جيل التمانينات وكل الناس متجمعه علي نفس البرنامج والمسلسل والمشاركه الوجدانيه
جيل الفوازير والضحك والمتعه في حل الفزوره
في طفولتنا كلنا بنلبس نفس الفستان والجزمه والتوكه والقميص كلنا شبه بعض مفيش فروقات كتيره
فرحة العيد كانت مقدسه بكل بهجه وروح ومشاركه وحب مش مدونه ومختصره بصوره ولا كومنت ولا لايكات وبس
جيل بنصحى علي الراديو وصوت الشيخ عبدالباسط وبعدها اغنية ياصباح الخير يالي معانا وحكايات ابله فضيله
وياسلام علي البرامج التليفزيونيه الجميله ذي برنامج مصطفى محمود واغرب القضايا ووعالم البحار وياجمال علي الناصيه
احنا الجيل اللي اتعلم معظم دروسه الحياتيه من المسلسلات وافلام الزمن الجميل وكلمتين وبس
كنا بنعرف نشغل عقلنا وايدينا في كل حاجه حوالينا بدون مانعمل سيرش
جيل الجوابات وما اجمل منها واختيارك للظرف والورق وشعورك وانت تكتب كل كلمه بخط يدك وانتظارك وشغفك للرد بعد ايام وايام وياسلام علي جمال موهبة جمع الطوابع احساس تاني
احنا جيل المسابقات بورق الشمعدان وغطيان الكولا وورق يانصيب
احنا الجيل اللي صنع الموبايل واللابتوب والاجهزه الحديثه اللي جمدت كل اللي قولته فوق وياريتنا ما عملناهم
