بقلم: د. بسمة أبو الفتوح
الأمان مش فلوس ومصاريف وهدايا و فسح .. ولا هو كلام و وعود كتيرالأمان أكبر من كل ده بمراحل وفي نفس الوقت أبسط من كل ده،،
الأمان إنكم تبقو عارفيين إنكم هتفضلو موجودين جمب بعض في اي وقت
إنكم وقت ما تختلفو تتكلمو بصراحه وانتم عارفين إنكم مش هتفهمو بعض غلط .. و مهما وصل إختلافكو أو خلافكو تبقو مطمنين إنكم مكملين .. أن مفيش كلام هيتقال يجرح التاني أن فالاخر ده مجرد إختلاف وهيروح لحاله و برضو أنتو بتحبو بعض
الأمان هو إنكم متخافوش تقولو اللي جواكم ومش فجأة بقيتو ناس تانيه وتتحولو وكأن كل اللي بينكم لم يكن
إنكم تبقو متأكدين أن مهما كنتو زعلانين مع بعض مجرد ما تحتاجو بعض هتكونو موجودين من قبل ما حد فيكم يطلب ده يعني علاقتكم مش علي كف عفريت وتحسو انكم وحيدين بدون شريك
الأمان إنكم تكونو واثقين في بعض وفى تفكيركم وعارفين انتو ممكن تعملو إيه و متعملوش ايه .
انكم تبقو متطمنين وعارفين إنكم هتدافعو عن بعض لو وسط مليون شخص غلط في حقكم..
الأمان يعني نظرة عين بتقول أناهنا أنا موجود عشانك أنا فاهمك صح والأهم من كل ده أنا مش ممكن أخذلك الأمان مش نحنة ولا سهوكة ولا رومانسية فارغة الأمان حياة .. ثقة .. تفاهم .. إرتياح .. أفعال .. إحتواء إنكم تحسسو بعض بالأمان أهم مليون مرة من إنكم تقولو كلام حب ..
الأمان والإحتواء أعظم إحساس ممكن يحسه حبيبك من ناحيتك يخليك تبيع الكون كله عشانك ولا يهمك في الدنيا غيره وغير رضاه
الأمان هو ترمومتر العلاقة جوا قلب الست والراجل وعقلهم كمان .. وهو الفارق الأقوى بالنسبالكم في تقييم العلاقة .. طول ماهي متطمنين هتكملو..
حسسها بأنك راجل ليها .. وعليها و معاها ومنها .. حسسها أن معاها راجل بجد 😉
حسسيه بالأمان وانك ست سند وهو هيردلك ده في أروع صوره وأشكاله من كل النواحي 😉
كده هتعيشو في جنة
كل ما كانت عنيكم سكن لبعض هتكون روحكم ملجأك لبعض
الأمان للحبيب أهم شىء … الأمان هو الصدق … الثقة … الحب … السعادة … الحنان … راحة البال … الإستقرار … الهدوء النفسى … الأمان هو ما يجعل الحبيب يتحدث معك فى كل شىء وأى شىء حين تفقد الأمان تتوقف عن الحديث حتى إن كان لديك ما تحكيه ستخفيه لأنك تخشى أفكاره… ظنونه… ردود أفعاله… عدم اهتمامه… جرحه لمشاعرك.. لو فُقد الأمان فقدت السعادة .
