بقلم:د.بسمة أبو الفتوح
كل إنسان بتقابله فى حياتك جاى يعلمك حاجة في علاقته معاك ..
سواء علاقة عميقة أو سطحية حد بتحبه أو لا
بيحب لك الخير أو لا…
عشان ترتاح م الآخر حاول تخرج من كل تجربة بمبدأ إن الشخص ده ربنا حطه فى طريقك عشان تتعلم حاجة معينة..عن الحياة..عن نفسك ..عن الناس..عن اختلاف العادات والمبادئ
هتلاقى نفسك بدل ما انت مهموم ومستغرب من تصرفات الشخص ده هتحاول تشوف إيه الرسالة اللى هو جاى يوصلهالك ..
ولو ما لقيت الرسالة..
يبقى عادى جدا ولا أى اندهاش
بنكمل حياتنا واحنا معانا شوية دروس في الحياه بس بنضحك ونفتكر وتستمر الحياة بين ابتسامة وزكرى…
بس أتجنب تعيد نفس العلاقه بنفس الشكل لازم تتعلم من الماضي وعيد الزكرى بس بطريقه مختلفه…
وهقولك علي ابسط النقاط اللي تكون هي مبدا في التعامل مع الناس :
اولا ان مفيش حد هيهتم بأمورك غيرك انت كل الناس مشغوله بحياتها ومشاكلها ومتطلباتهم همه وبس حاول انت اللي تركز علي جهودك وطموحك وماتنتظر مساعده من حد
ثانيا لازم يكون عندك اعتراف ان الناس بتتغير بسبب صراعات الحياه والملل والروتين حاول تخرج نفسك من دايرة الصدمه من اي قريب او غريب واتعرف علي ناس جديده كل يوم وتأكد ان تغييرهم مش بسبب عيب فيك لا هي الناس كده ذي احوال المناخ وكل حاجه حواليك بتتغير
ثالثا لا تقارن نفسك بالاخرين وماتاخد بالمظاهر طبعا احنا في زمن البلوجر والسوشيال ميديا والناس بتاخدها بمحمل الجد وان دي حياتهم فعلا ويصبح عندك شعور بعدم الرضا
حاول تتعامل مع حياتك بعقلانيه وشوف بعقلك مش بعنيك وافهم الامور صح هتلاقي نفسك حياتك احسن من كل اللي بتسوفه
رابعا لا تتعب نفسك في تقديم المشوره لصديق عنده مشكله وهو لا يستمع لك لان كثير من الاصدقاء لا يأخذون بالنصيحه الا بعد الوقوع في الخطا فلا تشغل بالك وتشعر بالاحباط في عدم اقناعك له هو حر وانتبه انت لحياتك
خامسا واخيرا ردود افعالك امام اي مشكله مع صديق حاول انك تملك اعصابك وتفكر بعقلك ولا تقول اي كلمه في نفس الموقف الا بعد هدوئك وتفكيرك العميق فيها وبعدها خد القرار اللي يريحك فعلا
