بقلم.د/بسمة أبو الفتوح
انك تتجوزي راجل ابن حلال وابن اصول وبيتقي ربنا فيكي ومقدرك بكل امكانياته دي بالدنيا ومافيها ودا نوع من انواع رضا ربنا عليكي ذي مابيقولو يا بركة دعا الوالدين..
الناس كلها بتتجوز بس مش كلهم بيتجوزوا واحد ابن حلال وابن اصول يكون راجل وسند ليكي في كل حاجه في الدنيا .. يحبك ويحب اهلك ويخاف عليكي ويصونك جوهره من اي فتن ومع كل الناس …
علي فكره يعني ده شيئ بعيد عن انه جواز حب اوصالونات .. دي حاجه ف طبع الراجل ذات نفسهُ،الراجل اللي يشتري خاطرك ورضاكي بالدنيا بحالها،والـ يحاوط عليكي برموش عنيه،الـ تكونى ماليهِ عينه وقلبه وروحه وتفكيره وحياته،الـ يسندك معنويا وماديا ويساعدك ويجي علي راحته علشان فرحتك انتي،الـ يوعدك انو هيكون نعم الزوج والحبيب وفعلا يطلع اد كلمته،الـ تحسي انه شبه بباكي وان ربنا كرمك وجبر خاطرك بيه،،،
الدين عنده انو يسعدك بما يرضي الله ويحتويكي ويحافظ عليكي وميخلكيش تحتاجي لحد ويكون عارف متطلباتك قبل ما تطلبيها ويبقي هو دنيتك ورزقك فـ الدنيا .. الراجل ده موجود ومش بيجي بشطارتك،الراجل ده رزق من ربنا،مش بيجي غير بكرم ربنا ورضا والديكي وقربك من ربنا في السر والعلن وانك دايما تدعى انه يرزقك بواحد ابن حلال يراعي ربنا فيكي،،
