بقلم: د.بسمة أبو الفتوح
مفيش حاجة أسمها المشاكل هتقوى علاقتكم ولا فى حاجة أسمها القط يحب خنـاقه ولا فى شئ أسمة ضـرب الحبيب ذي أكل الزبيب..
_عشان العلاقات الناجحه اللى مبنيه على القلوب مش المظاهر فيها خلافات بتتحل ، مش مشـاكل و توتـرأفكار ، ولا تعب أعصاب
مفيهاش إهـانات لانك هتبقى فى نظرى أعلى من إن أهينك
مفيهاش خـوف علشان أنا مش هخـاف إلا و انت بعيد مفيهاش إنهـيار أعصاب علشان خـوفك عليها هيغلب زعلك منها
مفيهاش نوم معيـطه علشان مفيش وقت نضيعة فى خصام مفيهاش قلة أمان و وحده ، علشان مهما كان الخلاف مش هيسيبك
مفيش تدخل أهل ولا نقول الأهل ستر ، علشان أنا لو هتعـري قدامك فا هلبس كل هدومى قدام أهلي مفيهاش توتر أعصاب علشان كفاية الدنيا علينا
مفيهاش مش هسمعك ، ولا هو كدة لو عاجبك ، علشان العلاقة الصح فيها كل مشكلة وليها ١٠٠ حل طالما مع بعض
اللى فوق مش كلام أفلام ، اللى فوق كلام طبيعى لو أنتوا أسوياء نفسياً و مؤهلين لفتح بيت سليم.
- الجواز حلو لو قررت إنك تتحمل عناء السنين الأولى أنت و شريك حياتك بنقص خبراتكم و اختلافاتكم بقى و خناقاتكم و أحلامكم المتضاربة وقراراتكم الغير مدروسة ..
و قررتم إنكم تنجحوه بكل طاقتكم ، ساعتها هيكون الجواز هو الملجأ و الأمان و المكان الأساسي اللي بتلاقي في راحتك.
و هو قرار ارادي مابين الطرفين بس من غير تدخل طرف تالت
وأهم صفة لازم تتوافر في الطرف الآخر : ( القدرة على التغيير ، و تقبله ) . - أهم قانون لازم كل الاطراف تحترمه بجدّية :
( الاستقلاليّة عن الأهالي ، أيْ الخصوصيّة ) . - أهم فكرة لازم الطرفين يؤمنوا بيها : ( النقص البشريّ ) .
- أهم أداة يجب تفعيلها : ( الاستيعاب ) …
- و أهم شعور يجب أن يتعمق مع الزمن : ( الأمان ) .
- و أهم رصيد يجب الالتفات إليه : ( العِشرة ) .
- و أهم اتفاق يجب التوقيع عليه : ( الصراحة بلطف ) .
- و أهم مسؤولية يجب التفقّه بها : ( تربية الأبناء ) .
- و أهم معرفة يجب التنوّر بها : ( طبيعة المرأة و الرجل ) .
- و أهم بوْح يجب الالتزام به : ( أنت عندي أمانة الله ) .
